WIZARD OF GREEN

為大家分享一個學生的調香作品💚

WIZARD OF GREEN｜將旅途，收喺香水樽入面。

前調｜Top Note

清透綠茶、青蘋果

——行入一片綠意，空氣係涼嘅，帶住少少蘋果嘅甜，清新到令人想深呼吸。

中調｜Heart Note

輕盈茉莉、溫柔玫瑰

——玫瑰公主喺風中低語，花香隨住陽光灑落，溫柔得嚟帶一點魔法嘅氣息。

後調｜Base Note

乾淨木質、貼膚麝香

——最後留低嘅，係一種好貼、好乾淨嘅感覺。好似行完一段路之後，終於可以坐低抖吓嗰種自在。

呢度係 Wizard of Green。

一個收納喺香水樽入面嘅世界。

入面有鋪滿多肉植物嘅小徑，

有經典童話嘅角色剪影，

有通往翡翠城嘅足跡，

仲有陽光穿過玻璃嗰種溫柔。

Answer lies in the journey.

學生花創木將呢個畫面，調成香水。

唔係單純複製一個童話，而係將嗰種「行入去、慢慢探索」嘅感覺，用味道呈現出嚟。

我好鍾意佢嘅揀味方向——

全部選材都係輕嘅、透嘅、唔會搶嘅。

綠茶同青蘋果做開場，清新得嚟有種「啱啱踏入一個新世界」嘅期待；

茉莉同玫瑰喺中段溫柔綻放，唔喧嘩，但存在；最後木質同麝香接住成個旅程，貼膚而持久。

清新、療癒、帶一點點童話嘅夢幻。好似翻開一本繪本，行入去，慢慢探索。