小朋友掛住放假唔想學習？家長陪伴比催促更重要
最近聽得最多家長講嘅，就係小朋友放完假之後，好似仲掛住玩，未收拾到心情返去學習模式。
玩得多咗，開學後心散咗，之前學過嘅嘢好似又唔記得晒咁，真係會令爸爸媽媽有少少擔心😨
其實呢個情況好正常㗎，大人放完長假返工，都一樣需要時間適應返日常節奏啦🤣
好多時，小朋友唔係真係忘記咗之前學過嘅內容，只係佢哋嘅學習狀態、專注力同生活作息，仲未完全調整返去正常日程。
尤其係放假期間瞓覺時間、玩樂時間、學習時間都同平時唔同，開學初期自然需要少少時間重新適應。
所以呢段時間，家長唔使急住鬧，亦唔使太快覺得小朋友退步咗。
可以俾少少時間佢哋，慢慢搵返返學同學習嘅節奏😆
一般嚟講，一至兩個星期左右，小朋友就會慢慢回復正常狀態。
呢段適應期入面，最重要唔係催促，而係多啲陪伴、多啲支持，幫小朋友重新建立學習信心🤓
如果爸爸媽媽見到小朋友放假後心散、專注力下降、唔記得學過嘅內容，先唔好太擔心。
只要有穩定作息、適量溫習，加上家長嘅鼓勵同陪伴，小朋友好快就會慢慢入返狀態㗎啦。
惜童教育中心創辦導師
牛奶老師 Iris Leung
