香港國際棋院，開店感言

2020年開始陸續執笠。
2023年我將名下所有香港公司都執哂。

心有不甘，不過亦有慶幸，避開咗最凶險嘅一波經濟下滑，可以抖吓氣思考人生，多啲陪伴家人。本身都有諗過啃老躺平，不過奈何天性好動，忍唔住做多啲唔同工作，結果上年做到過勞，入咗兩次急症。依一年，我反覆思考自己到底想點，可以點做，先會平衡到生活同野心，挑戰同樂趣。

今次開店，剩係想先見返啲舊朋友，識吓新朋友，慢慢做好能力以內嘅事。希望佐敦依度唔駛再搬，因為每次搬嘢都好攰。棋班當然仲有，棋聚就暫定逢星期四／日晚上，玩傳統棋／桌遊都可以。其他時間想玩可以dm預約，唔夠腳我有時都可以落場。