近d玩平台嘅由來?

話說個女出世之後， 作為一個香港嘅媽咪，跟住香港媽咪group嘅風氣， 就係四周圍搵playgroup俾小朋友，我哋都參加咗好多唔同嘅playgroup， 然後我覺得點解我哋唔自己搞自己嘅playgroup呢？ 可以根據我哋無限嘅創意俾媽咪同啲小朋友一齊參與， 唔使完全跟坊間嘅嗰一套. 於是我就喺屯門區搵咗一班嘅媽咪朋友， 自己組左屯門DIY媽咪群組， 然後我哋就開始DIY唔同嘅playgroup， 比我哋嘅小朋友.  我諗呢兩三年真係搞咗超過50場playgroup同埋活動. 

https://youtu.be/VZf8rbI-4mE?si=PEMswLHuhANC_3NK

https://youtu.be/XmjjQ3_LKkY?si=06FkWGgBT82bCwHR

搞咗咁多場活動， 搞到把聲開唔到， 醫生叫我休息吓， 所以我哋呢媽咪就出去搵出邊啲活動.

同街坊一齊嘅呢段時間， 我哋知道咗身為一個媽咪幫小朋友搵活動其實都唔係一件簡單嘅事情. 所以我哋希望將活動集中在一齊， 方便我哋媽咪近近地可以搵到一啲高質素嘅活動比小朋友.  呢個就係近D玩平台嘅由來.  我哋嘅初心就係把附近小商戶的優質活動， 發掘出嚟， 同區嘅街坊們一齊參與，同區嘅小朋友可以一齊認識大家， 媽咪又可以互相認識. 以前我哋80年代， 街坊之間的感情好深厚， 慢慢發展到90同埋二千年之後，大家都關上了屋企嘅門口， 鄰居之間嘅交際好似斷咗咁樣.  希望近d玩可以牽引到街坊之間產生關聯， 讓小朋友多啲接觸， 學習多啲社交技巧， 加強同區的街坊關係. 

唔知我呢份信念，可否成功呢？