分數以外，另有一片天：唔好將孩子困在井底

我教書三十年，接觸過幾千個學生。一路以來我都深有體會：教別人的孩子容易，教自己的孩子，卻是很難。正如醫生能醫不自醫。

女兒十五歲那年，忽然同我說，想離開主流學校體制。

她說課堂裏學不到真正想學的東西，身邊同學都埋頭補習，每日返學，她找不到學習的意義。我當時內心滿是擔憂，但我清楚，她並非懶惰，只係被困在制度裏，覺得痛苦。

後來，我地跳出體制，做了別人認為不可能的事：只用一年半時間，完成DSE。呢段「十五歲跳出體制」的經歷，我在之前文章已經同大家分享過，今日不再贅述。

雖然教自己仔女好難，佢係畢竟也是自己女兒，當佢行到呢個岔路口，我唔撐佢，仲有邊個會撐？就算前路難行，我都要陪佢一齊走。

考完DSE之後，一個難得的機會擺在眼前：去埃及參加為期一年的文化交流。

消息一出，身邊好多長輩都勸我三思：中東局勢不穩，真係放心放一個少女過去？我當然都會驚，但有些機會，唔係有錢就可以換到。機會擺在面前，我哋決定好好把握。

去到埃及之後先發現，當地唔輕易發出學生簽證，整整一年，我哋都是不斷續辦旅遊簽證。期間局勢起伏，以色列同伊朗衝突、埃及國內亦有動盪，屋企人日日心急，不停叫我即刻買機票接佢返香港。我哋冷靜研判過地理位置同風險，最後選擇相信判斷，讓她繼續留在當地。

一年之後，她平安歸來。

呢一年的經歷，金錢買唔到。眼界會改變一個人思想，而思想會改變一個人的一生。亦正正因為呢段埃及生活體驗，後來她成功獲得英國大學取錄讀她心儀的一科：考古。

講返英國升學嗰邊。按UCAS一般標準，A‑Level要考到A或B。憑女兒的DSE成績肯定拿不到取錄，所以我們肯定是她的憑個人經歷、個人陳述，同埋完整豐富的成長檔案，打動招生老師。其實許多外國大學多年前已開始著重人生經歷多於分數。

講返DSE，如果她跟足主流節奏今年應考，以近2年競爭咁激烈嘅情況，想憑分數入八大根本唔可能。她身邊朋友今年考20分，放幾年前尚有機會衝城大浸大，而家連八大門檻都摸唔到。著重她有没有耀眼的的公開試成績，我只希望她能找到自己的人生方向。

呢條路，一環扣一環：

跳出體制、自學應考DSE → 遠赴埃及生活一年 → 獲大學取錄 → 爭取到羅馬考古計劃名額，親身走到梵蒂岡。

最觸動我嘅，係她在羅馬發生嘅事。

當時幸運地被荷蘭大學考古團隊選中去意大利一個古城進行探索兩個星期，完成田野考古飛回香港前。未滿十八歲嘅她，主動同我講，想獨自去梵蒂岡。雖然很多人說意大利治安不太好，一個少女獨自出行有點危險，但最後我都選擇支持她。

遊覽完畢，她打電話同我分享，梵蒂岡的建築、加上之前文物修復工作深深震撼咗佢，那一刻她清晰感受到自己同考古之間的緊物連結。電話裏，震憾我的不是分數，是她已找到對未来方向熱切的火。

她仲講：「我還未十八歲，但比起好多同齡人，我已經行過好多地方，試過好多事情。」

嗰次考古團隊入面，大部分成員都係三十幾歲的博士生，得佢一個本科生。

我唔係覺得佢比其他人優勝，而是深深明白：當一個孩子搵到內心方向，唔需要旁人催逼，佢自己就會主動追尋。呢份對知識、對世界的熱誠，一百分永遠給唔到。

身為教育工作者，亦都身為媽媽，我不停問自己：我哋到底想培養點樣的孩子？

如果我哋只係盲目追分數、捲學術競爭，其實只係訓練孩子做一啲AI都能夠勝任的事。分數可以記錄孩子掌握咗多少知識，但永遠答唔到：他想往哪裏去？他為什麼學習？他是一個怎樣的人？

我寫呢篇文，只係想同各位家長分享：

世界好大，但首先，家長要願意打開自己的心窗，接納呢個已經變咗的世界。

AI年代，分數的價值早已同從前唔一樣。如果我哋仲抱住舊思維、舊標準，等於拿住一張過期地圖，想去搵一個早已不存在的目的地。

打開心扉，唔等於放棄學業。

而是我哋願意問自己：除咗分數，仲有什麼值得孩子追尋？願意接受孩子的路，未必同我哋預想一樣；願意滿懷擔憂，仍然選擇相信佢；願意幫佢創造體驗的機會，而不是只逼佢埋頭操卷。考試週將近，許多家長把自己及子女的生活全部奉献給考試卷，家人朋友聚會通通暫停，老實說，真正的學識是隨時隨地跟著人。

細個聽井底之蛙的故事，青蛙困在井中，以為天空只有井口咁大。只有佢踏出井口，先會見到天地遼闊。

體制之外，真係有另外一片天。但子女能夠走出那口井，先決條件，係家長願意率先走出自己心裏的那口井。

如果你都係日日為孩子分數奔波的家長，我想同你輕輕說一句：

分數只係一時，方向先係一世。唔好將孩子困在井底。當你願意放下固有的執念，你的孩子，先有機會搵到屬於自己、可以為之燃燒一生的路。                    作者：露雲娜老師 www.rowenatam.com    Double R 英語整合法