🌞玩到唔捨得返屋企嘅Summer Camp🌞
啱啱同個囡去咗觀瀾湖親子 Summer camp，之前睇到好多網上評論都話個camp好正，都估到小朋友一定玩到唔捨得返屋企，點知連我哋家長都有被wowwww 到🤩
首先入營前已經feel到導師們嘅專業同細心，由於我哋今次幾個家庭一齊入營，大家到埗時間都唔一樣，就係我想問酒店點樣安排check-in同第一日活動之前，導師們已經開咗一個WeChat 群組加晒所有家長入去，然後佢哋細心打點每一個家庭嘅需要！入camp前一日其實Ella有少少唔舒服，導師知道後幫我哋準備咗退熱貼同埋一啲基本藥物，真係有貼心管家嘅感覺😍
嚟到觀瀾湖梗係要打golf！考慮到我哋啲小朋友太細得三歲，導師們就安排咗BB golf 棍俾佢哋玩，真係要讚吓啲導師，好識得同小朋友相處，又會搞吓笑氹佢哋，指導過程中亦好細心溫柔👍之後我哋仲玩咗射箭同欖球，真心好玩家長都玩埋一份😆
第二日我哋去咗騎馬！本身諗住都係簡單體驗，可能只係騎幾分鐘影張相打吓卡咁，點知！係真騎！😳每個小朋友全程有個馬術導師一對一指導，他們首先安排小朋友坐穩喺馬背上，然後同佢哋漫步行一圈！原本以為小朋友都會驚，點知個好似小小騎師咁好威風！我哋成班家長睇到好感動🥹🥹行咗幾個圈之後，導師教小朋友在馬背上微微企起同坐低呢個動作，原來佢哋準備開跑🏇😳😳😳 導師領住佢哋喺沙池度快跑咗幾個圈！我哋成班家長表示驚嘆嘩嘩聲🤩不敢相信自己嘅小朋友可以做到！仲要小朋友們一啲都唔驚！證明啲導師真係指導得好好，等小朋友可以放膽嘗試👍👍 佢哋足足騎咗半個鐘有多 ，個個都玩到唔捨得落馬😆
個camp 另外一個highlight就係滑雪！Ella 期待咗好耐，佢話要去搵Elsa同Olaf 😆滑雪場內可以免費借用說服同雪鞋，所有裝備都好乾淨，雪場內唔算太多人，大家玩得好舒服👍👍
我覺得成個camp最大嘅「挑戰」就係啲小朋友玩到唔捨得走，每個活動完之後都要拖佢哋走😂 出camp之後Ella不停問我幾時再去玩，我已經應承咗出年再帶佢嚟㗎喇🥳
今次嘅活動太豐富，我哋都未有時間喺個Resort入邊周圍行吓，每次搭shuttle經過都見到resort 周圍好靚，保育得好好，下次嚟嘅時候一定要周圍影吓相😆Daddy 已經決定咗下次再嚟嘅時候要體驗吓打golf，觀瀾湖原來有學院練習場，室內室外都有，非常適合初級玩家👍
有興趣嘅朋友快啲把握機會，暑假仲有兩團出發🥳詳情可以睇呢度🔗🔗
https://funnearbyhk.com/activity?id=77
