📖【啟航教育中心手記】阿熙的故事 (I)：當動漫插畫遇上家長的高壓禁區

教室內響起一陣熟悉而響亮的笑聲，隱隱挑動著在場各位「聽眾」的神經。

「哈哈哈...航Sir，你睇下，呢幅畫真係畫得佢超靚仔啊！好正啊！」

「哇，係喎，阿熙，呢個係咩角色嚟㗎？」

我順著阿熙手指看去，一邊欣賞著插圖精美的畫功及鮮明的配色，一邊問道。

「呢個係三日月宗近，果個係村正，跟住呢個係正宗，痴線㗎，點解可以個個都咁靚仔㗎！」

「點解啲畫師可以構圖同顏色都做得咁犀利，將啲刀刀劍劍畫到個個又型又靚仔！真係睇到都流哂口水...」

阿熙如數家珍般介紹著這些角色，檯上放著她「不惜犯禁」買來的日本遊戲角色新畫集。

「又真係幾靚仔，話說你既然咁鍾意呢類插畫同角色，點解你唔試下自己都畫下？我覺得你平時畫嘅畫都好有水準啊！」

我感歎著她對這部遊戲作品的熱情，嘗試著鼓勵她在自己的興趣上更進一步。阿熙嘆氣，帶點無奈地回應我：

「唉，阿Sir你又唔係唔知我阿媽點睇我啲興趣，俾佢知道我收埋呢啲書，垃圾桶見啦，仲講畫插畫！即刻送多幾本練習俾我做添啊！」

「我都明白你係屋企會好辛苦嘅...雖然我都好想同你睇多啲，但時間有限，同埋都費事太影響到其他同學仔，我哋一齊睇埋呢兩版就做埋淨低嘅題目啦好無？」我開始感覺到課室內其他學生投來好奇的目光，看了眼時鐘提醒阿熙……

>>>>待續