📖【啟航教育中心手記】阿熙的故事 (II)：幫？定唔幫？

「我都明白你係屋企會好辛苦嘅，如果可以，我都想俾多啲時間你係度放鬆下...但時間有限，同埋都費事太影響到其他同學仔，我哋都需要完成呢啲題目，不如我哋睇埋呢兩版就差唔多做埋淨低嘅題目啦好無？」我開始感覺到課室內其他學生投來好奇的目光，看了眼時鐘提醒阿熙……

「好啦...嘿嘿！真係好型啊！」阿熙勉為其難地答應後，看到心儀的角色又大笑起來。

我苦笑了一下，突然想起放在我櫃裡的數本畫集，本來櫃內的空間就很有限，但阿熙有次苦苦哀求我幫忙保管她珍貴的畫集，我一時心軟便答應了這個請求，怎料隨後這些「受保護文物」數目隨時間不減反增，現在已經快佔據了我整個櫃，看來她似乎把我的櫃當成了一個保險箱。

「話說，你上次放係我度果兩本插畫集，你想點樣處置？」我順勢問起。

「放多排先啦！」阿熙隨口回我。

「我知道我應承你會幫你保管住，但你再放多一兩本入去，我連自己嘢都隨時放唔落…更何況，你想咁樣瞞天過海到幾耐呢？」我不禁提出我的憂慮。

阿熙大概聽出我說話的真正意思，抬起頭看著我，不發一言，眼神裡帶點無奈及委屈，「阿Sir…」

「唉！你繼續放係度啦，但我無乜位淨㗎啦，最多可以放低兩本，之後我真係幫你唔到。」我嘆了一口氣，明白解決問題的主導權其實並不在阿熙身上。

「都話航Sir最好㗎啦！」阿熙欣喜之餘，不忘「賣口乖」。

這種互動的景象在教育中心，特別是補習社的課堂期間出現，說來大概是頗為罕見，但我十分珍惜這種和學生交流的時光。我和其他同事經常戲稱阿熙的笑聲為好有「魔性」，即使你身處另一課室，一聽到這種高亢而活潑的大笑聲，你便能夠輕易辨識到笑聲的主人；但我看著眼前為手上的插畫集而興奮大笑的阿熙，心裡難免夾雜著憐惜與擔憂。

>>>待續